Qırımda Beregovoye adınen eki deñiz kurortı bar – Kefe civarında (Qoran Eli) ve Bağçasaray rayonında (Zamruq). Şimdi söz Bağçasaraynıñ şimalinde, Ğarbiy Bulğanaq özeniniñ ağzında yerleşken yalı boyu köyü aqqında ketecek.
1890 senesinece Beregovoye Zamruq adını taşıy edi. Köyniñ temelini bir qırımtatar qoyğan edi. “1867 senesi tarihlı Tavriya guberniyasınıñ hatıra kitabı”nıñ malümatına köre, Zamruq köyü, 1860-1864 senelerde Türkiyege muacirlik neticesinde sakinler tarafından terk etildi. Olarnıñ yerine Zamruqqa estonlar-muacirler kelip başladı. 1926 senesi Umumşura ealini cedvelge aluv malümatına köre Aqmescit rayonınıñ Bulğanaq köy şurasınıñ Zamruq köyünde 210 eston, 39 rus ve 10 alman yaşay edi.
Bugünde köyde 800 adam yaşay. Zamruqnıñ eñ büyük obyekti – Sankt-Peterburg dağ universitetiniñ oqutuv-ilmiy bazasıdır. Qırım işğal etilmezden evel ise anda Şevçenko adına Kyiv Milliy universitetiniñ “Çayka” sağlamlaşma-sport kompleksi edi.
Qırım.Aqiqat Zamruq köyüni ziyaret etip, fotoresimler çıqardı.
Qırmızı uçurumlar altında dalğa çatlaması: qışnıñ ortasında Beregovoye (Zamruq) kurortı
1
Kalamita körfeziniñ balçıqlı yalısı
2
Ev yanındaki bağçalarda alıça çiçek aça
3
Köy mezarlığınıdan bir qaç kilometr uzaqlıqta suv qulleleri. Olarnıñ artında “Kazanskaya” Tanrı anası ikonasınıñ kilsesi körüne. Qulleler ögünde “1941-1945 seneleri Cian cenkinde ğalebeniñ 70 yıllığı” şerefine hatıra taş ve sport şeerçigi
4
Bölşaya Morskaya soqağından köy manzarası
5
Sankt-Peterburg dağ universitetiniñ oqutuv-ilmiy bazasına yol. Yol boyu saçılğan terekler üstünde plastikten şişeler. Qışta terek kevdelerini tavşanlardan qorumaq içün olması mümkün
6
Yolnıñ sol tarafında – Ğarbiy Bulğanaq özeniniñ teren suv basqan yeri
7
Dalğalar bazanıñ plâjdaki taş ve beton taşlarğa çırpına
8
Baqımsız binanıñ meydanında eykelniñ qalımtıları
9
Şlagbaum üstündeki levhada yazılğanına inansaq, eski raatlıq bazasınıñ tahtadan yapılğan eviniñ ögünde yalını pekitmek içün işler yapıla
10
Şimdilik ise deñiz maniasız balçıqlı yalını yuva bere
11
Evler yanında sığırlar otlay
12
Köyniñ cenübiy civarındaki uçurımlı çuqur keñleşkenine oşay
13
Plâjğa balaban balçıq parçaları avdarılıp tüşken
14
15
Plâjdaki ticaret noqtaları qapalı
16
Plâjğa yekâne yol
17
Köydeki pansionatlar ve musafir evleri uçurımlı yalıdan uzaq qurula
18
Naqliyat içün deñizge ketken yekâne yol
Facebook Forum