Link açıqlığı

Saatnıñ esas haberi

Qırımtatarlarnıñ 99 fayızı Qırımda Ukrayina terkibinde milliy-territorial muhtariyetniñ meydanğa ketirilmesini destekley — Cemilev


Mustafa Cemilev
Mustafa Cemilev

Qırımtatarlarnıñ çoqusı halqara uquq esasında Qırımda Ukrayina terkibinde milliy-territorial muhtariyetniñ teşkil etilmesine qol tutacaq. Böyle fikirni qırımtatar halqınıñ lideri Mustafa Cemilev Nikolay Knyajitskiyniñ YouTube kanalında bergen intervyüsında bildirdi.

"Menimce, qırımtatar halqınıñ 99% bunı destekley. Qırım ve Ukrayina biri-birini tamamlay, olar iqtisadiy, tarihiy ceetten pek bağlılar. Ukrayina ile olmasa, qaysı memleketnen? Başqa çaremiz yoq. Türkiye uzaqlarda, Qara deñizden, biz ise mındamız, Ukrayina ile. Amma añlaşılmağan memuriy muhtariyet degil, tamır halqnıñ öz vatanını belgilemek aqqı halqara seviyede tanılğan milliy-territorial muhtariyet olmalı", — dep ayttı Cemilev.

O şunı da qoştı ki, Ukrayina akimiyetine bu kibi teklifler endi çoqtan berilgen edi, amma Ukrayina Anayasasına kerekli deñişmeler kirsetilmedi.

"Esasen olar böyle olması kerek, dep añlaşalar. Amma şimdilik, teessüf ki, Anayasağa kerekli deñişmeler kirsetilmedi", — dep bildiridi Cemilev.

Bundan evel Qırımtatar Milliy Meclisi reisiniñ muavini Nariman Celâl, qırımtatarlarnıñ problemleriniñ çezilüvi, hususan milliy-territorial muhtariyetke ıntıluvları, topraq bütünligi meselesiniñ çezilüvi ile sıq bağlı, dep bildirgen edi.

"Ve eñ esası 2014 senesi olıp keçkenlerniñ tekrarlanmaması kefaleti. Çünki qırımtatarlarnıñ Qırım toprağına tamır halqı olaraq tabiiy aqqı bar, o, rusiyelilerniñ bu topraqqa tarihiy istilâsını istisna etecek. Çünki endi açıq-aydın olacaq, Rusiyeniñ uydurğan bir Qırım halqı aqqında aytqanı kibi degil, Ukraнina açıq-aydın muracaat etecek, bizim tanılğan tamır halqımız bar, bu onıñ tuvğan toprağı, bunı iç kimse inkâr etmey. Ve olar mustaqil, bir Ukraiнna devleti çerçivesinde öz taqdirini belgilev aqqını amelge keçire", — dep bildirdi Celâl.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG