Qırımtatar halqı Qurultayınıñ Merkeziy saylav komissiyasınıñ reisi Zair Smedlânıñ evinde tintüv "qırımtatarlarnı qorqutmaq içün aselet yapıldı". Bunı Qırım.Aqiqatqa Qırımtatar Milliy Meclis reisi Refat Çubarov ayttı.
"Zair Smedlâ qırımtatar Milliy areketiniñ faal iştirakçilerinden biridir. O Qırımtatar halqı Milily qurultayınıñ Merkeziy saylav komissiyasınıñ reisidir. O pek namuslı, cesür adamdır. Soñki 8 yılda Qırımda yüz bergen vaqialarğa daima adekvat qıymet kese edi. Qırımtatarlar arasında büyük ürmetke saiptir. Onıñ tutulması - aselet qırımtatarlarnı qorqutmaq içün yapıldı, çünki Zair Smedlâ işğal etilgen Qırımda qırımtatar müitinden ğayet körümli sımadır", - dedi Çubarov.
Qırımda Rusiye quvetçileri Qurman rayonında Qırımtatar halqı Qurultayınıñ Merkeziy saylav komissiyasınıñ reisi Zair Smedlânıñ evinde tintüv keçirdiler. Zair Smedlânıñ qızı Dinaranıñ bildirgenine köre, babasını yaqalağanlar ve Rusiye polisiniñ yerli bölügine alıp ketkenler. Zqalav sebepleri şimdilik belli degil.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
