Qırımtatarlarnıñ evlerinde yüz bergen tintüvler – Rusiye «akimiyetiniñ» qorquzuv areketidir, dep bildirdiler Qırım.Aqiqat mühbirlerine qırımtatar milliy Meclis azaları.
Böyleliknen, organ reisi muavini Ahtem Çiygoznıñ aytqanı kibi, FSB hadimleriniñ areketleri «qanunsız edi ve daa ziyade qorquzuvğa oşağandır».
«Eki KAMAZ OMON hadimleri ile kelip, soqaqnı qapatıp, saba erte evge sürip kirmek, insanlarnı qorqutmaq. Tabiiy ki, evde bulunğanlarnıñ sağlığına bu er şey zarar ketirdi. Biz Qırımda Rusiye prezidentiniñ temsilcisine böyle tarzda taqiqat tedbirlerni keçirmege mümkün olmağanını ve, bundan da ğayrı, böyle areketler Rusiye Federatsiyasınıñ qanunlarına ters kelgenini bildirdik», – dedi Çiygoz.
Cumaaqşamı künü, mayıs 15-de, Rusiye Federatsiyasınıñ FSB hadimleri Qırımtatar Milliy Meclisiniñ azası Ali Hamzinniñ evinde tintüvler keçirip, eki saat devamında terroristik faaliyetinen bağlı patlav maddeleri, silânı qıdırdılar. Tintüvni ondan ziyade FSB hadimi keçirdi, eki Ural, «Berkut» hadimlerini alıp keldiler, yolnı qapattılar.
Hamzin emin, böyleliknen, Qırım «akimiyeti» qırımtatarlarğa qarşı repressiyalarnı keçire. O, Qırım FSB hadimleriniñ areketlerine mahkemede itiraz bildirmek niyetindedir.
Böyleliknen, organ reisi muavini Ahtem Çiygoznıñ aytqanı kibi, FSB hadimleriniñ areketleri «qanunsız edi ve daa ziyade qorquzuvğa oşağandır».
«Eki KAMAZ OMON hadimleri ile kelip, soqaqnı qapatıp, saba erte evge sürip kirmek, insanlarnı qorqutmaq. Tabiiy ki, evde bulunğanlarnıñ sağlığına bu er şey zarar ketirdi. Biz Qırımda Rusiye prezidentiniñ temsilcisine böyle tarzda taqiqat tedbirlerni keçirmege mümkün olmağanını ve, bundan da ğayrı, böyle areketler Rusiye Federatsiyasınıñ qanunlarına ters kelgenini bildirdik», – dedi Çiygoz.
Cumaaqşamı künü, mayıs 15-de, Rusiye Federatsiyasınıñ FSB hadimleri Qırımtatar Milliy Meclisiniñ azası Ali Hamzinniñ evinde tintüvler keçirip, eki saat devamında terroristik faaliyetinen bağlı patlav maddeleri, silânı qıdırdılar. Tintüvni ondan ziyade FSB hadimi keçirdi, eki Ural, «Berkut» hadimlerini alıp keldiler, yolnı qapattılar.
Hamzin emin, böyleliknen, Qırım «akimiyeti» qırımtatarlarğa qarşı repressiyalarnı keçire. O, Qırım FSB hadimleriniñ areketlerine mahkemede itiraz bildirmek niyetindedir.
