Link açıqlığı

Qırımtatar milliy Meclisinde Sovet devriniñ şaraitlerni hatırlap, Moskvada qırımtatar halqınıñ aqları içün mitingni keçire bilecegini red etmeyler.

Bunı qırımtatar milliy Meclis reisi Refat Çubarov bildirdi, dep haber ete QHA.

«Bazı vatandaşlarımız sovet devrini hatırlap,Moskvada narazılıq numayışlarnı keçirmege teklif eteler. Ve böyle teklifler endi baqıla, qarar daa alınmadı, amma alına bile. Qanun bar, o, mahsus ciddiy qararlarnı közde tuta, amma olarnıñ çerçivesinde bu er şey ola bilir», – dedi Çubarov.

Meclis reisi şunı da qayd etti ki, vatandaşlarnıñ teklifi közde tutıla, amma Meclis nasıldır bir kesen-kes qararlarnı daa qabul etmedi.

Mayıs 16 künü qırımtatar milliy Meclis reisi Refat Çubarov Qırım «baş nazir» Sergey Aksönovnıñ iyün 6-na qadar Qırımda kütleviy tedbirlerni yasaq etken qararını tenqitke oğrattı. Çubarov qayd etti ki, qırımtatarlarda 23 yıl devamında mayıs 18 künü munasebeti ile matem tedbirlerniñ keçirilmesi ile problem yoq edi.
XS
SM
MD
LG