Link açıqlığı

«Şimdiki zamanda añlaşılmağan otryadlar özülerini uquqıy nizamnı qorçalağan küçler olaraq adalandırıp vesiqalarnı teşkireler, bir kimseni yaqalaylar, qanunsız işlernen oğraşalar. Öyle olsa, qırımtatarlar da öz imaye organlarını yaratıp ola», - dedi Zair Smedlâyev.

Onıñ sözlerine köre qırımtatarlar arasında öz otradlarnı kamuflâj ve milliy bayraq tüsü olğan kok tüslü şeritçiklernen olmasını ve Qırımda uquqıy nizamını qorçalamasınen oğraşacaqlar.

«Eger bir grup özünü akimiyet olaraq saysa ve öz başına areketler yapsa, ne içün qırımtatar imayesiniñ başqalarını qırımtatarca laf etmesini nezaret etip olamay? Qırımtatar tili Qırım anayasasına köre, devlet tili olaraq sayıla. Soñ öyle halq imeyesi olğanlar rus gimnaziyasına barıp onı qorımtatar gimnaziyası olaraq ilât etip olalar. Aynı vaziyette Ukrainanıñ şarqıy vilâyetlerinde Rusiye öyle halq imayecilerge küç qulanmamağına davet ete» – ayttı Smedlâyev.

«Er adım atqanda seniñ vesiqalarını teşkirseler, çantalarını teşkirseler, qayda ve nasıl bayrağını ilmek kerek olğanını aytsalar, qaysı ibadethanege qatnamağa kerek olğanını bildirseler kim bunı begener? Eger Qırımdaki vaziyet nezaret altından çıqsa er kes peşman eter» - dedi Zair Semdlâyev.

Bundan evel Meclis Qırım «halq imayesini» dağıtmağa talap etti. Meclisniñ bildirgenine köre, olar Qırımda «qanunsızlıqnıñ ve provokatsıyalarnıñ esas menbası olaraq sayılalar».
XS
SM
MD
LG