Qırımtatar yırcısı Elvira Sarıhalil online kontsertini keçirecek, dep haber ete Qırım evi. Kontsert aprelniñ 26-nda saat 21:00-da Qırım eviniñ Facebook saifesinde yayınlanacaq.
Koronavirus sebebinden ilân etilgen karantin vaqtında bir çoq artistniñ muzıka faaliyeti İnternetke keçti. Martnıñ 24-nde yırcı Jamala online kontsert yaptı, yırcınıñ Instagram ve Facebook saifelerinde canlı yayın oldı.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
