Qırımtatar asıllı ukrayin yırcısı Jamalanıñ QIRIM albomı Beehype avropa onlayn-jurnalınıñ versiyasına köre, 2023 senesiniñ eñ yahşı albomlarından biri oldı.
''İşte bu qadar! Endi, elbette, özüm içün böyle bir plakat yapacam. Bütün dünyadaki aktual muzıka aqqında ikâye etken populâr Beehype avropa onlayn-mecmuası, QIRIM albomını dünyanıñ 80-den ziyade memleketiniñ çalğıcıları arasında 2023 senesiniñ eñ yahşı albomlarından biri olaraq adlandırdı", - dep yazdı Jamala Facebookta.
Jamala QIRIM albomını keçken sene mayısnıñ 5-nde taqdim etti. Oña er biri Qırımnıñ belli bir yerini temsil etken 14 kompozitsiya ve OUTRO-nıñ 15-inci treki kirdi. Jamala bütün yırlarnı on yıllar devamında Qırım yarımadasınıñ çeşit köşelerinden topladı. Bu albomnıñ işinde 80-den ziyade çalğıcı iştirak etti.
Daa evel Jamala Spotify yayınlav platformasınıñ EQUAL leyhasınıñ eñ populâr üç icracı sırasına kirdi. Bu aqta o Facebookta bildirdi.
Jamala 2014 senesi Qırım ilhaqını ve Rusiyeniñ Ukrayinağa istilâsını açıq sürette takbih etti. 2016 senesi o, qırımtatarlarnıñ sürgünligi aqqında ''1944'' yırınen "Eurovision" yarışında ğalebe qazandı.
Noyabrniñ 29-nda Moskva mahkemesi, RF ordusına qarşı "sahtelik" işi boyunca Jamalanı ğıyabiy şekilde apiske aldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
