Qırımtatar asıllı ukrayinalı yırcı Jamala Spotify platformasınıñ EQUAL leyhasınıñ üç eñ populâr icracıları cedveline kirdi.
Birinci eki yerde romaniyalı yırcı, oyun muzıkasınıñ icracısı INNA ve populâr amerikalı yırcı ve pianocı Aliga Kiz yerleşti.
Mart ayında Jamala bu leyhanıñ ambassadorı oldı. Spotify-nıñ EQUAL leyhası qadınlarnıñ muzıka sanayısında öz aqları oğrunda küreşini desteklemek maqsadını taşıy.
Jamala, 2014 senesi Qırımnıñ Rusiye tarafından işğal etilmesini ve Rusiyeniñ Ukrayinağa qarşı büyük cenkini devamlı ve açıq şekilde takbih ete. 2016 senesi "Eurovision" yarışında Ukrayınanı temsil etip, qırımtatar sürgünligi aqqında yırladı ve ğalebe qazandı.
Noyabrniñ 29-nda Rusiye İç işler nazirligi qırımlı Ukrayına yırcısı Jamalanı qıdıruvğa ilân etti. Haber etilgenine köre, qırımtatar yırcısı 2023 senesi oktâbr ayında Rusiye ordusı aqqında «sahte malümat» tarqatqanı qabaatınen qıdıruvğa ilân etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
