Al-azırda olar Novoçerkask SİZO-sında tutula. Bunı "Qırım birdemligi"ne mahkeme oturışından soñ advokat Lilâ Gemeci haber etti.
İmayeciniñ haber etkeni kibi, prokuratura bu şikâyet ile bağlı araştırma keçirgen. Siyasiy mabüs Ruslan Suleymanovğa tükândan mallarnı alğanını tasdıqlağan imzası ile yük vesiqası berilgen. Amma imza Suleymanovğa ait degil eken.
"Biz müvekkillerimizniñ aqlarını ğayrıdan tiklemek içün soy-sopları ile Novoçerkask şeeriniñ prokuraturasına şikâyet azırlaymız", - dep bildirdi Gemeci.
2019 senesi martnıñ 27-nde Qırımnıñ Aqmescit rayonındaki Bavurçı (Kamenka) qasabasında ve Mamaq (Stroganovka) köyünde qırımtatarlarnıñ evlerinde tintüvler keçirildi. Malümat çoq olğanı içün uquq qoruyıcılar 25 qırımtatar cemaat faalinden cinaiy davanı beş mabüslik beş gruppağa böldi. Aman-aman bütün tutulğanlar cemaat jurnalisti ya da cemaat faali edi.
«Memorial» aq qorçalayıcı merkezi 2019 senesi martnıñ 27-nde Qırımda Rusiye quvetçileri tarafından tutulğan 24 qırımtatar faalini siyasiy mabüs dep tanıdı.
2022 senesi noyabrniñ 24-nde Rostov-na-Donudaki Cenübiy arbiy okrugınıñ mahkemesindeki reis qadı Vâçeslav Korsakov qadılar Denis Galkin ve İgor Şendrikovnen beraber mabüslerni terror faaliyetinde ve akimiyet zapt etmege tırışqanlarında qabaatladı. Faaller Enver Ametov ve Yaşar Muyedinov 13 yıl sert rejimli koloniyada, vatandaş jurnalistleri Ruslan Suleymanov, Rustem Şeyhaliyev ve Osman Arifmemetov 14 yıl koloniyada qalmasına üküm etildi. Mabüsler 4 yılnı apishanede keçirecek, soñra daa 1 yılğa areket serbestligi sıñırlanacaq. Mabüsler özüni qabaatlı olaraq tanımayıp, siyasiy taqip olğanını tüşüneler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
