Qırımda ''gaz borusındaki diversiya davası''nda apis cezasına mahküm etilgen Qırımtar Milliy Meclisiniñ reisi muavini Nariman Celâl FSB-nıñ tahqiqat izolâtorına avuştırılğan.
Bunıñ aqqında Qırım Gayesi uquq qoruyıcı birleşmesi siyasiy mabüsniñ advokatına etfı etip bildirdi.
"17 yıl apis cezasına mahküm etilgen Qırımtar Milliy Meclisiniñ reisi muavini Nariman Celâlnı FSB-nıñ tahqiqat izolâtorına avuştırğanlar. Bunıñ aqqında siyasiy mabüsniñ imayecisinde belli oldı. Hatırlatmaq isteymiz ki, keçken sene açılğan 2-nci SİZO evel yalıñız FSB tarafından tahqiqat altında olğanlarnıñ ve yañı işğal etilgen topraqlarda tutıp esir etilgen grandan şahıslarnıñ tutulması içün qullanıla edi", - dep yazıla bildirmede.
Rusiye kontrolindeki Qırım Yuqarı mahkemesi 2022 senesi sentâbrniñ 21-nde Anğarada «gaz borusındaki diversiya davasınıñ» mabüslerini uzun apis müddetlerine üküm etti: Nariman Celâl 17 yılğa ve 700 biñ ruble para cezasına, Asan Ahtemov 15 yılğa ve 500 biñ ruble para cezasına, Aziz Ahtemov 13 yılğa ve 500 biñ para cezasına üküm etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
