Kyivde qırımtatar sürgünliginiñ 75 yılı munasebetinen keçirilecek añma tedbirleriniñ logosı tasdıqlandı. Bu aqta Qırımtatar Milliy Meclisiniñ reisi Refat Çubarov Facebook saifesinde bildirdi.
Onıñ malümatına köre, logo mayısnıñ 18-nde Qırımtatar halqı soyqırımınıñ qurbanlarını añma kününe bağışlanğan bütün añma tedbirlerinde qullanılacaq.
Logotipte qırımtatarlarnıñ tamğası şeklinde qırmızı demiryolları yapıldı ve qırımtatar halqınıñ soyqırımınıñ 75 yıllığı yazısı (ukraince, qırımtatarca, inglizce, türkçe) yazıldı.
Mayısnıñ 18-nde Ukrainada ve dünyada 1944 senesi Qırımdan sürgün etilgen qırımtatarlarnı añalar. Şu künü qırımtatarlar tolu birinci eşelon yarımadadan Orta Asiyağa yollanğan edi. Umumen 180 biñ kişi sürgün etildi.
Qırımnıñ çeşit şeerlerinde qırımtatar sürgünliginiñ qurbanlarını añma tedbirleri keçirile.
Ukraina Yuqarı Radasınıñ qararına köre, mayısnıñ 18-i Qırımtatar halqınıñ genotsid qurbanlarını añma künü olaraq ilân etildi.
