«1944. Qırım. Sürgünlik» filmi İndistannıñ Manduray şeerindeki vesiqalı ve qısqa film festivalinde kösterilecek. Kino kösterilüvi bu yıl dekabrniñ 6-ndan 10-na qadar devam etecek. Bu aqta Ukraina Tış işler naziriniñ birinci muavini Emine Ceppar Facebookta bildirdi.
Daa evel bu film Türkiyedeki Antakya Film Festival kinofestivaliniñ halqara vesiqalı filmler bölüginde esas bahşışnı aldı.
Hatırlatamız, 2019 senesi baarde Kyivdeki «D12» galereyasında qırımtatar sürgünligi aqqında «1944» vesiqalı filmi taqdim etildi. Onıñ rejissörları Yunus Paşa ve Qırım.Aqiqat müellifi Fatima Osman olğanlar.
2020 senesi sentâbr ayında haber etilgenine köre, Qırımda Sadıq Acı Selimov vefat etti. Fevral ayında o, 90 yaşını tolduracaq edi. Sadıq Acı Selimov «1944. Sürgünlik» filminiñ qaramanı edi.
