Bundan da ğayrı, Qırımtatar Resurs Merkezi Ukrayinada cenk vaqtında Herson ve Zaporojjâ vilâyetlerinde insan aqlarınıñ bozuluvı talilini taqdim etecek.
Matbuat konferentsiyasında Qırımnıñ işğal akimiyetiniñ qanunsız areketleri, ayat, serbestlik, telükesizlik ve şahsiy toqunılmazlıq aqqınıñ bozuluvı (teşkerüv, yaqalav, sorğu, tevqif ve ilâhre), esas serbestliklerniñ bozuluvı (adaletli mahkeme aqqınıñ bozuluvı, beden ve ruhiy sağlığınıñ yüksek seviyesine irişüv) talil etilecek.
Matbuat konferentsiyasınıñ spikerleri olaraq Qırımtatar Resurs Merkeziniñ idare yolbaşçısı Eskender Bariyev ve QRM kommunikatsiyalar meneceri Tatyana Savçuk çıqışta bulunacaq.
Ukrayina prezidentiniñ Qırım Muhtar Cumhuriyetindeki temsilciligi, 2024 senesi yanvar ayına qadar rusiyeliler qanunsız olaraq 204 insannı apiske aldı, olardan 123 qırımtatardır, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
