Qırımtatar resurs merkezinde Qırımnıñ tahta haritası tizildi, mında meskün yerlerniñ tarihiy adları yazılğan. Bu aqta QRM idare yolbaşçısı Eskender Bariyev bildirdi.
"Biz Qırımnıñ tarihiy topraq bütünligini numayış etemiz ve mesken yerlerniñ özgün adları bar olğanını hatırlatamız, olarnı qaytarmaq kerek", - dedi Bariyev.
Qayd etilgenine köre, harita Ukrayina Etnopolitika ve vicdan serbestligi devlet hızmetiniñ reisiniñ eline berildi, yaqın vaqıtta ise bu haritalar Ukrayina devlet akimiyet organlarınıñ diger vekillerine de berilecek.
"Mına böyle yardımcı malümatlar yardımınen biz daa çoq ukrayinalını Qırımnıñ kerçek tarihı ile tanış ete bilecekmiz", - dep qayd ettiler merkezde.
Ukrayina Prezidentiniñ QMC-deki temsilcisi Tamıla Taşeva, ükümet Qırım işğalden azat etilmezden evel Qırımda toponimik adlarnı deñiştirmege imkân berecek qarar üzerinde çalışqanını bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
