Qırımtatar resurs merkezi içtimaiy ağlarda Dünya tamır halqları kününe bağışlanğan "Ukrayina içün tamır halqları müimdir" kapmaniyasını başlattı. Bunıñ aqqında teşkilâtnıñ saytında haber etile.
"Er sene avgustnıñ 9-nda Dünya tamır halqları künü qayd etile. Dünyada 90 memlekette yaşağan 437 millionğa yaqın tamır halqı temsilcisi bar. Ukrayinada ise üç tamır halqı bar: qırımtatarlar, qaraylar ve qırımçaqlar", - dep yazıla bildirmede.
"Ukrayina içün tamır halqları müimdir" kapmaniyasına qoşulıñız, resimni paylaşıñız ve #LIBERATECRIMEA haştegini unutmañız, er kes bizni eşitsin"", - dep qoştılar teşkilâtta.
Halqara tamır halqlar künü er yıl avgustnıñ 9-nda qayd etile, 1994 senesi onı BM Baş Assambleyası belgiledi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
