Link açıqlığı

Saatnıñ esas haberi

Qırımtatar rejissörları Ahmed Sarıhalil ve Ahtem Seitablayev «Ukrainada çıqarıldı» reytingine kirdi


Qırımtatar rejissörları Ahmed Sarıhalil ve Ahtem Seitablayev delo.ua saytı ve «Media Gruppı Ukraina» şirketiniñ leyha parçası olğan «Ukrainada çıqarıldı» reytingine kirdi.

Reytingde 2016-2018 seneleriniñ ukrain filmleri ve serialları ve olarnı çıqarğan ustazlar toplandı. Umumen leyhada 20 nominatsiya bar, olarnıñ arasında prodüser, rejissör, stsenarist, operator, montaj rejissöri, ses rejissöri, oyuncı, sanalaştırıcı ressam, kostüm ressamı, grim ressamı, kompozitor ve digerleri bar. Online rey berüvde eñ çoq baa alacaq namzetler ğalip çıqacaq. Eñ yahşı rejissör rey berüvi şimdi mında keçirile.

Daa evel haber etilgeni kibi, qırımtatar rejissöri Ahmed Sarıhalilniñ «Mıqlar» qısqa filmi Kamânets-Podilskıyde «Brukivka» II Halqara kinofestivaliniñ ğalibi oldı.

Levha büyüklerniñ problemlerine rastkelgen oğlançıq aqqında tarif ete. Onıñ ikâyesi ayatını yañıdan qurmağa tırışqan qaçaqlarnı tasvir ete. Rejissörniñ aytqanına köre, bu levha onıñ balalıq hatıralarına esaslana.

Daa evel belli oldı ki, «Haytarma» ve «Kiborgi» filmleriniñ meşur olğan qırımtatarı ukrainalı rejissör Ahtem Seitablayev Rusiyede mahküm etilgen ukrainalı rejissör Oleg Sentsovnen beraber onıñ «Nomera» pyesasını çıqaracaq.

2017 senesi dekabrniñ 7-nde rejissör Ahtem Seitablayevniñ Donetsk ava limanını imaye etkenler aqqında «Kiborgi» filmi çıqtı. Levha bediiy olsa da, kerçek adise-vaqialar esasında çıqarıldı. Çekimler Kyiv ve Çernigiv vilâyetinde keçirildi. Filmniñ umumiy büceti aman-aman 48 million ğrıvnâ.

«Kiborgi» qazanğan kâr memleket içinde milliy filmler içün rekordqa yetti.

XS
SM
MD
LG