Bazar künü, martnıñ 14-nde, Qırımtatar Milliy Meclisiniñ ofisinde qırımtatar halqınıñ milliy lideri Mustafa Cemilevniñ iştiraki ile toplaşuv olıp keçti, dep bildirdi Meclis reisi Refat Çubarov Facebook saifesinde.
Onıñ malümatına köre, toplaşuvda Qırımtatar Milliy Meclisiniñ azaları, Qırımtatar Milliy Qurultayınıñ vekilleri, qırımtatar cemaat teşkilâtlarınıñ temsilcileri, jurnalistler, Qırım Muhtar Cumhuriyeti musulmanları diniy idaresiniñ reberligi iştirak etti.
«Esas Ukrainada olmağan toplaşuv iştirakçileri internet bağı vastasınen toplaşuvda iştirak etti. Toplaşuv «Chatham House qaidesine» riayet etilip keçirildi, iştirakçileri belli fikirlerniñ müelliflerini aydınlatıp olamay. Bu printsip fikir ve muzakere açıqlığına yardım etmek içün bar», – dep yazdı Refat Çubarov.
Toplaşuvda 26 iştirakçi teklifini ayttı.
«Qırımtatar Milliy Meclisiniñ reisi Refat Çubarov toplaşuv hulâsalarını çıqarıp, seslendirilgen bazı tekliflerni ileride amelge keçirile bilecek iş olaraq qayd etti», – dep aytıla haberde.
