Qırımtatar Milliy Meclis reisi Refat Çubarov, yanvarnıñ 7-nde Milât bayramını qutlağan ukrainlerni hayırladı. Bu aqta o, Facebook saifesinde yazdı.
“Meclis adından ve öz adımdan er biriñizge, er bir ailege quvançlı bayramlar, evde tınçlıq ve muabbetlik, baht, sağlıq ve eyilik tileyim. Bu bayram künlerinde aileleriñizniñ ve yaqınlarıñıznıñ yanında olıp, Rusiye tarafından vaqtınca işğal etilgen Qırımda yaşağan tuvğanlarıñız, dostlarıñız, tanışlarıñız ile bağlanıp, işğal muvaqqat olğanına ve epimiz Qırımda Ukraina devlet bayrağı ve Ukraina devleti terkibinde Qırımtatar milliy territorial muhtariyeti temsili olğan qırımtatar milliy bayrağı altında birleşecegimizge olarnıñ işançlarını pekittiriñiz”, – yazdı Çubarov.
Ukraina qıtasında Milât bayamı eki kere qayd etile. Ekisi de devlet bayramı olaraq sayıla.
