Qırımtatar Milliy Meclisiniñ reis muavini Nariman Celâl Kyivdeki Ukraina Mustaqillik Künü munasebetinen III derece «Yararlıq» Nişanınen taqdirlendi.
«Celâlov Nariman Enveroviç, Qırımtatar Milliy Meclis reisiniñ birinci muavini III derece «Yararlıq» Nişanınen taqdirlendi. Celâlov vaqtınca işğal etilgen Qırımda buluna. Mukâfatnı oña alıp ketecekler. Ukraina prezidenti Volodımır Zelenskıy», – dep aytıldı avgustnıñ 24-nde devlet mukâfatlarını berüv merasiminde.
Celâlnı Qırımtatar Milliy Meclisiniñ reisi Refat Çubarov ve Ukraina prezidentiniñ Qırım Muhtar Cumhuriyetindeki daimiy vekiliniñ muavini Tamila Taşeva Facebookta tebriklegenler.
Avgustnıñ 24-nde Kyivde Ukraina Mustaqillik Künü munasebetinen resmiy tedbirler keçirile.
Azatlıq Radiosı tedbirni canlı yayında köstere.
Avgustnıñ 24-nde Ukraina Mustaqillikniñ yigirmi doquzıncı yılını qayd ete.
