Qırımtatar Milliy Meclis reisi Refat Çubarov Qazahistanda narazılıq bildirgenlerge destek bildirip, "tez zamanda yañı liderler etrafında birleşmege" tiledi.
"Elbette, men zulumğa ve öz akimiyetiniñ açkozlügine qarşı turğan Qazahistan halqınıñ tarafındam. Em de Qazahistan prezidenti Kasım-Jomart Tokayev ve lider Nursultan Nazarbayev Rusiyeniñ Ukrainağa arbiy istilâsını ve Qırımnıñ işğalini takbih etmege cesaret etmediler. Qazahistan halqına tez zamanda demokratiya tarafdarı olğan yañı liderler etrafında birleşmege tileyim", - dep yazdı Çubarov Facebook saifesinde.
Narazılıq bildirgenler Almatı şeerinde yerli memuriyet binası ve prezident barğağını zapt ettiler. Bundan ğayrı, ava limanını da zapt etkenleri aqqında haber etile. ye.
Narazılıqlar sebebinden Nur-Sultan, Almatı şeerlerinde, Almatı ve Mangistau vilâyetlerinde fevqulâde vaziyet tayin etilgen.
Yanvarnıñ 5-nde saba Qazahista ükümeti istifağa ariza berdi. Memlekette internent ile problemalar bar.
