Link açıqlığı

Saatnıñ esas haberi

Qırımtatar iş adamı Resul Velilâyev Moskva SİZOsından azat etildi


Resul Velilâyev
Resul Velilâyev

Qırımtatar iş adamı Resul Velilâyev Moskvanıñ «Lefortovo» SİZOsından çıqmamaq şartı ile azat etildi. Bu aqta qırımtatar faali Nariman Celâl Qırım.Aqiqatqa bildirdi.

«Bunıñ sebebini daa ögrenmemiz kerek, amma Resul ağanıñ Lefortovo SİZOsından azat etilgenini bilemiz. Çıqmamaq şartı bar, dep tüşünem, yani tahqiqat ve mahkeme devam etkence Moskvada bulunacaq», – dedi Celâl.

Qırım.Aqiqat Resul Velilâyevniñ advokatları ve tuvğanlarından malümat almağa tırışa.

İş adamı Resul Velilâyev ve «KrımOpt» şirketiniñ müdiri Ali Bariyev 2018 senesi aprelniñ 26-nda Qarasuvbazarda Rusiye telükesizlik hadimleri Velilâyevge ait «Güzel» ticaret ağı ve «KrımOpt» şirketinniñ tükânlarını tintken soñ tutulğan edi.

Daa soñra Velilâyev 2 ayğa tevqif etilerek, Moskvadaki Lefortovo tahqiqat izolâtorına (SİZO) qapatıldı. Qırımda oña qarşı Rusiye Ceza kodeksiniñ 238-inci maddesiniñ 2-nci qısmına istinaden («Telükesizlik talaplarına uymağan mallar ve mahsulatnıñ istisalı, saqlanması ya da satılması, ve bunıñ kibi de işlerniñ yapılması ve hizmetlerniñ kösterilmesi) boyunca dava açıldı.

Rusiye Qırımnı ilhaq etken soñ, mustaqil jurnalistler, cemaat ve qırımtatar milliy areketiniñ faalleri, Qırımtatar Milliy Meclisiniñ azaları ve Rusiyede yasaqlanğan «Hizb ut-Tahrir» ile alâqaları bar olğanından şübheli sayılğan musulmanlarnıñ evlerinde sıq-sıq tintüvler keçirilip başladı.

XS
SM
MD
LG