Qırımda Rusiye quvetçileri Qırımtatarlar halqınıñ soyqurımı qurbanlarınıñ añma kününde keçirilgen kütleviy toplaşuvlar vaqtında qırımtatarlarğa "qanunlarnıñ bozulmasınıñ qabul etilmemezligi" ile bağlı tenbi vesiqalarını ketire, dep haber ete "Qırım birdemligi" cemaat birleşmesi.
Birleşmede qayd etkenleri kibi, böyle tenbi vesiqalarını Qırımnıñ Sudaq, Bağçasaray, Aqmescit ve Seyitler qasabalarında tarqatqanlar.
Tenbi vesiqalarını faallerge, sabıq siyasiy mabüslergen, uquq qoruyıcılarğa ve qırımtatar halqınıñ diger temsilcilerine ketirgenler.
Rusiye quvetçileri bu malümatnı izaatlamadı.
Cumaaqşamı künü, mayısnıñ 18-nde, qırımtatarlarnıñ sovet rejimi tarafından Qırımdan sürgün etilüviniñ 79 yılı ola. Bu künde Ukraina ve dünyada qırımtatar halqı genotsidiniñ qurbanları añıla.
Ukrayina Yuqarı Radasınıñ qararına köre, mayısnıñ 18-i qırımtatar halqı genotsidiniñ qurbanlarını añma künü ilân etildi.
Mayısnıñ 18-nde Ukrayinada qırımtatar halqınıñ Qırımdan sürgün etilüviniñ qurbanlarını añma maqsadınen matem tedbirleri keçirile, lâkin bu yıl kütleviy tedbirlerniñ keçirilüvine Rusiye başlatqan cenk tesir etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
