Link açıqlığı

Saatnıñ esas haberi

Qırımtatar halqınıñ lideri Mustafa Cemilev 2014 senesi Rusiye Federatsiyasınıñ prezidenti Vladimir Putin ile subeti aqqında tarif etti


Mustafa Cemilev
Mustafa Cemilev

Qırımtatar halqınıñ lideri Mustafa Cemilev Nikolay Knyajitskiyniñ YouTube kanalında bergen intervyüsında 2014 senesi mart ayında Rusiye Federatsiyasınıñ prezidenti Vladimir Putin ile keçirilgen subeti aqqında tarif etti.

Cemilevniñ aytqanına köre, Putin ile 40 daqqadan ziyade devam etken subetinde, o, Rusiye prezidentine Qırım ilhaqınıñ qabul etilmemesi ve halqara nizam içün onıñ zararlı aqibetleri aqqında aytqan.

Onıñ aytqanına köre, o, Rusiye prezidentine de aynısını aytqan: "Siz pek büyük bir hata yaptıñız. Siz deral memleketimizden ketmek kereksiz. Cevap olaraq, Cemilevniñ aytqanına köre, Putin, Rusiye "qırımtatarlarnıñ bütün içtimaiy, siyasiy, uquqiy meselelerini çezmege tırışacaq", dep bildirdi".

"O, Rusiye terkibinde ne qadar bahtlı olacağımıznı ayta edi... Eki sağırnıñ lafı kibi. O öz lafını ayta, men öz lafımnı aytam", — dep hatırlay Cemilev.

Cemilev şunı da ayttı ki, o, Putinge Qırım ilhaqı Rusiye ve Ukrayina arasındaki munasebetlerni on yıllarğa bozacaq ve "iç bir kimse tanımaycaq halqara cinayet" olacaqtır, dep tenbiledi.

Bu laftan soñ, Putin onıñ serbest kele bilecegini vade etkenine baqmadan Cemilevge Qırım ve Rusiyege beş yıl devamında kirmege yasaq etildi. Cemilev, Qırım işğalden azat etilmeli, dep israr etmege devam ete, çünki "Rusiye istilâsı tek Ukrayina içün degil, bütün dünya içün telükelidir".

O qayd etti ki, dünya Qırım ilhaqını qabul etip olamay: "Bu bütün dünya tertibine darbe, medeniy dünyanıñ vaqvarlıq ögünde yeñilmesi. İç bir memleket endi özüni telükesiz duymaycaq".

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG