Link açıqlığı

Bugün Ukraina halq deputatı Mustafa Cemilev Kiyevge yol aldı. Onı uzun yolğa tarafdarları sıñırğa qadar ozğardılar.

Ozğarğanlarnıñ birisi içtimaiy ağlarda bildirgenine köre, «sıñırda olmaycaq bir grup «artıq sizge 5 yılğa kiriş yasaq» degen sade bir A4 kâğıtnı tutturdılar. Amma ondan soñ «resmiy» sıñır hızmeti «Mustafa Ağa, bu grup bizden degil, resmiy olaraq afu soraymız, hayırlı yolculıqlar», dep keçirdiler.

Mustafa Cemilevniñ bugünge Amerika Qoşma Ştatalarınıñ prezident muavini Joseph Biden ve Bank of America-nıñ müdiri ile körüşüvi belgilendi.

Bundan soñra, aprel 24 künü Alma-Atada Avrasiya forumında iştirak etecek. Cemilevniñ aytqanına köre, forum Ukrainağa bağışlanacaq ve onı kelmege rica ettiler.

«Çıqışta bulunacaqlar arasında Rusiye yaqlı şahıslar bar, onıñ içün barmam kerek, dep qarar aldım», – dedi Cemilev.
XS
SM
MD
LG