Link açıqlığı

«Avdet» qırımtatar gazetasınıñ baş muarriri Şevket Kaybullayevni Aqmescit şeeriniñ «prokuraturası»na çağırdılar.

Celpname metininde aytılğanı kibi, Aqmescit «prokuraturası» neşirniñ yolbaşçılığı tarafından Rusiye Federatsiyasınıñ «Ekstremiz faaliyetine qarşılıq aqqında» qanunnıñ bozuluvı boyunca teşkerüvni keçire eken.

Şevket Kaybullayevniñ sözlerine köre, «prokuratura»nıñ temsilcilerinden başqa izaatlar seslendirilmedi.

Gazetanıñ baş muarriri Qırım.Aqiqat saytınıñ mühbirine izaat berdi: «Bugün saat 15:00 men Aqmescit şeer prokuraturasınıñ binasına subetke davetlim. Subetniñ mündericesini tahmin etmek qıyın, amma celpnamede qayd etilgen maddege köre, bizni sanki ekstremizmde qabaatlaycaq olalar».


«Avdet» gazetası qırımtatar milliy Meclisniñ matbaa organıdır. 1990 senesi iyül 15-den neşir etile.

Mayıs 15 künü Rusiye Federatsiyasınıñ FSB habimleri qırımtatar milliy Meclis azalarınıñ evlerinde tintüvni keçirdiler. Olar terroristik faaliyeti ile bağlı olğan silânı qıdıra edi.
XS
SM
MD
LG