Bu aqta qararnı Rusiye Federatsiyasınıñ Tula vilâyetiniñ Donskoye şeerindeki 1-nci nomeralı tüzetüv koloniyasınıñ memuriyeti 2023 senesi noyabrniñ 26-nda qabul etti.
Faalniñ ömür arqadaşı Zarema Zekiryayeva, bu 2023 senesi fevral ayında başlağanını aytıp berdi. Qırımdan yekâne mabüsniñ apis şaraiti daima sertleştirile. Böylece, Server Zekiryayev aman-aman bütün keçken yılnı ceza izolâtorında ve SİZO-da, em de sert tutuv şaraitinde keçirgen.
Bundan da ğayrı, oña qorantasınen uzun müddet körüşmege bermeyler. Soñki sefer Zarema Zekiryaeva ömür arqadaşına 2022 senesi sentâbr ayında barğan edi.
Koloniya hadimleri, Zekiryayevge nisbeten sert munasebetini onıñ maqalesi ile izaatlaylar.
2017 senesi oktâbr ayında Rusiye uquq qoruyıcıları altı Bağçasaray sakinini tututı. Timur İbragimov, Marlen Asanov, Memet Belâlov, Seyran Saliyev, Server Zekiryayev i Ernes Ametov. Rusiye FSBsi olarnı Rusiyede ve işğali altındaki Qırımda yasaqlanğan «Hizb ut-Tahrir» teşkilâtında iştirak etkenlerinde qabaatladı.
Rusiyeniñ Rostov-na-Donu şeerindeki Cenübiy okrugınıñ arbiy mahmekesi 2020 senesi sentâbr ayında Bağçasaraydaki ekinci «Hizb ut-Tahrir davası» boyunca üküm çıqardı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
