"Qırım musulmanları davası" boyunca apis cezasına mahküm etilgen qırımtatar faali Server Zekiryayevni kene ŞİZO-ğa yerleştirgenler. Bunı avgustnıñ 8-nde "Qırım birdemligi"ne ömür arqadaşı Zarema Zekeryayeva bildirdi.
"ŞİZO-da bulunuv müddetini er sefer 15 künge uzata ediler. Soñra aprelniñ 26-nda onı PKT-ge yerleştirdiler. Anda o iyülniñ 26-na qadar oturdı", - dep yazıla bildirmede.
"Oña, barakqa ayrtıq qaytmacaqsıñ, degenler. Yani bu ŞİZO, PKT, SUS onıñ yerleridir demektir. Sebep 205.5 maddesi", - dep bildirdi apayı Zarema Zekiryayeva
Şimdiki vaqıtta Server Zekiryayev Rusiyeniñ Tulsk vilâyetiniñ Donskoye şeerinde 1-nci cezahanede buluna.
2017 senesi oktâbr ayında Rusiye uquq qoruyıcıları altı Bağçasaray sakinini tututı. Timur İbragimov, Marlen Asanov, Memet Belâlov, Seyran Saliyev, Server Zekiryayev i Ernes Ametov. Rusiye FSBsi olarnı Rusiyede ve işğali altındaki Qırımda yasaqlanğan «Hizb ut-Tahrir» teşkilâtında iştirak etkenlerinde qabaatladı.
Rusiyeniñ Rostov-na-Donu şeerindeki Cenübiy okrugınıñ arbiy mahmekesi 2020 senesi sentâbr ayında Bağçasaraydaki ekinci «Hizb ut-Tahrir davası» boyunca üküm çıqardı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
