Link açıqlığı

Qırımtatar diaspora vekilleri Qurultayğa kelip olamadılar


Bugün Qırımğa kiriş imkânsız olğanından sebep qırımtatar milliy Qurultayınıñ sessiyasında qırımtatar diasporası vekilleri yoqtır. Bunı mart 29 künü brifing devamında Meclis reisi Refat Çubarov bildirdi.

«Qırımğa kiriş imkânsız olğanı içün bugün aramızda diasporamıznıñ vekilleri yoqtır. Bu kibi toplaşuvlarımızda daima diaspora vekilleri olğan olsa, bugün öyle degildir», – dedi Çubarov.

Bunıñnen beraber o, sessiyada resmiy Kiyev temsilcileriniñ ne sebepten olmağanını da añlattı: «Siyasiy vekillerimiz bugün öz toplaşuvlarında Ukraina prezidenti vazifesine namzetlerini köstereler. Men endi öz hayırlavlarımnı da yolladım», – qayd etti Meclis reisi.
XS
SM
MD
LG