Link açıqlığı

Saatnıñ esas haberi

Qırımtatar boksçusı Artur Ziyatdinov yañı çeki kategoriyasında öz küçüni sınacaq


Boksçu Artur Ziyatdinov
Boksçu Artur Ziyatdinov

İlk ağır çekiniñ (kruzerveyt) saibi olğan qırımtatar boksçusı Artur Ziyatdinov, ihtisasiy ringde qazanğan doquzıncı ğalebesinden soñ, martnıñ 16-sında Montrealda yañı çeki kategoriyasında öz küçüni sınacaq. Bu aqta Qırım.Aqiqat mühbiri bildire.

İhtisasiy ringde doquzıncı ğalebesinden soñ, Ziyatdinov kruzerveytlerniñ dünya reytinginde 79-ıncı yerni qazanğan.

“Uruşqa azırlıq yahşı edi ve dögüş muvafaqiyetli keçti - raqipni eñdim. Endi ise alçaqça çeki kategoriyasına keçip, anda tezce birinciler arasına kirmege niyetlenem”, - dep ikâye etti Qırım.Aqiqatqa boksçu.

İhtisasiy kruzeyveyt boksçularınıñ cedvelinde dünya çempionı - qırımlı Oleksandr Usik, alçaqça çeki kategoriyasında ise ukrainalı Oleksandr Gvozdık birincilikni qazanğan edi.

Doğma qırımtatar olğan ihtisasiy boksçu Artur Ziyatdinov, aveskârlıq boskunda 140 uruş yaptı, olarnıñ 120-sinde ğalebe qazandı. 2017 senesi Artur ihtisasiy boksqa keçti.

XS
SM
MD
LG