Link açıqlığı

Qırımtatar bayraq Künü munasebeti ile tedbirler Aqmescitniñ Yağmurça (Fontanı) mikrorayonında keçirilecek.

Bunı QHA agentligine tedbirniñ teşkilâtçıları bildirdi.

«Bugün Aqmescit şeer şurası tedbirlerniñ Yağmurça mikrorayonındaki qurulıp bitirilmegen mektepniñ ögünde keçirilmesine razılıq berdi», – dep añlattılar teşkilâtçılar.

Evel işğal etilgen Qırımda Meclis keçirilmesini iyün 26-na planlaştırğan Qırımtatar bayraq Künü munasebeti ile tedbirlerni Aqmescitniñ Trenöv bağçasında keçirmege yasaq ettiler. Sebepni – bağçanı ziyaret etken «yüzlernen balağa» telüke olacağı ile añlattılar. Aynı böyle yasaq Meclisniñ tedbirlerni Aqmescitte Lenin meydanında keçirmek içün yollağan arizasına da keldi. Bundan da ğayrı, Qırımtatar bayraq Kününe bağışlanğan avto yürüşni keçirmege de bermeyler.

İyün 23 künü Meclis Aqmescit şeer şurasına nevbetteki mektüpni yolladı. Mında tedbirlerni keçirmek içün «Kosmos» kinoteatri ögündeki meydannı ve Yağmurça mikrorayonını teklif etti.

XS
SM
MD
LG