Qırımtatar çapıcısı Leylâ Acametova paralimpik dünya çempionatında yengil atletikada altın medal qazandı.
Ukrainadaki Milliy paralimpik komitetiniñ Facebookta bildirgenine köre, o, 100 metr mesafeli çapuvda eñ eyi netice içün altın medal qazandı.
Umumen Ukraina taqımı 13 medal aldı, olarnıñ arasında beşi altın, dördü kümüş ve dört tunç muyeyafat bar, em de beş rekord – eki dünya, eki Avropa ve bir şahsiy.
Leylâ Acametova – qırımtatar asıllı ukrain yengil atleti. Yaz Paralimpik oyunlarınıñ çempionı ve ğalibi. Ukraina sport ustası namzeti. Özbekistanda doğdı. 1999 senesi qorantasınen beraber Qırımğa qayttı.
