Rusiye akimiyeti apishane reberligine riayetkârsızlıqnı cezalamaq içün ceza izolâtorlarına avuştıruvnı qullana. Bunı "QırımSOS" uquq qoruyıcı teşkilâtınıñ talilcisi Yevgen Yaroşenko bildirdi.
"Ceza izolâtorlarına avuştıruv sıq-sıq cezanıñ çekme nizamınıñ bozuluvı içün degil, apishane reberligine ya da küç strukturalarına (FSB kibi) qarşı riayetkârsızlıq içün ceza kibi körüle", - dep qayd ettm o.
Yaroşenko, Rusiye tüzetüv cezahanesiniñ ŞİZO-sında artıq 750 künden çoq tutulğan "Hizb ut-Tahrir davası"nıñ mabüsi Teymur Abdullayevni misal olaraq ketirdi.
"Belli davalarğa diqqat siyasiy mabüslerni azat etmese de, eñ azından bu adamlarğa az-çoq insaniy munasebetke irişmek yardım etecek. Ukrayinanıñ qanunsız apis etilgen vatandaşlarınıñ taqdiri daima kün tertibinde olması içün em Ukrayina akimiyeti, em uquq qoruyıcılar, em de Ukrayinanıñ halqara ortaqlarınıñ birlikte areket etmesi müimdir", - dep qoştı Yarşenko.
Evel "QırımSOS" uquq qoruyıcı teşkilâtı, Rusiye siyasiy sebeplerden Qırım apishanelerinde tutuqan eñ az 38 insannıñ sağlıq problemleri bar dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
