Bir yıl ve 9 ay içinde Qırımdaki Rusiye mahkemeleri Rusiye ordusını "itibarsızlaştıruv" maddesi ile 472 memuriy qarar çıqarğanlar. Bunı "QırımSOS" uquq qoruyıcı teşkilâtınıñ talilcisi Yevgen Yaroşekno bildirdi.
Talilciniñ sözlerine 27 qarar oktâbr ayında çıqarılğan.
Bu müddet devamında Kremlniñ nezareti astında olğan Qırım mahkemeleri tekrar "itibarsızlaştıruv" davalarında 5 qarar çıqarğan. Qayd etilgeni kibi, olardan biri 2023 senesi oktâbr ayında olğan. Söz Aqmescitte ticariy noqtalırıñ saibi olğan Dmitriy Közle aqqındadır.
Bundan ğayrı 2022 senesi martnıñ 2-nden başlap Qırımdaki mahkemeler "sahtelik" maddesi ile açılğan cinayet davalarında qarar çıqarğan.
Yevgen Yaroşenkonıñ fikrince, büyük cenk ne qada çoq devam devam etse, Rusiye ordusını "itibarsızlaştıruv" qabaatı ile açılğan davalarınıñ sayısı da o qadar çoq olacaq.
Evel Rusiyeniñ nezareti astında olğan Kefe mahkemesi 37 yaşındaki yerli sakinni içtimaiy ağlarda RF ordusını "itibardan tüşürüv" maddesi ile 1,5 yıl apis cezasına mahküm etkeni belli oldı.
Rusiyede ve işğal etilgen topraqlarda Ukrayinanı desteklegen faallerniñ taqip etilmesi devam ete. Rusiyege qoltutqan bloger Aleksandr Talipov Telegram kanalında Ukrayina tarafdarlarınıñ şahsiy malümatını derc ete. Onıñ şikâyetleri esasında qırımlılar Rusiye ordusını "itibardan tüşürgeninde" qabaatlanıp, memuriy ve cinaiy mesüliyetke çekile. Ukrayina prokuraturası Talipovğa qarşı "milletlerara nefret doğuruv" maddesine istinaden cinaiy tahqiqat başlattı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
