Rusiye pasportınıñ alınması Rusiye ordusı sıralarına qanunsız celp etilüvge sebep ola bilir. Bunı "QırımSOS" uquq qoruyıcı teşkilâtnıñ talilcisi Yevgen Yaroşekno Central Asia Newss neşrine bildirdi.
"Bu alda Rusiye aynı zamanda eki cinayet eter. Birincisi işğal etilgen topraqlarnıñ ealisiniñ Rusiye ordusınıñ sıralarına mecburiy celp etilmesidir, ekincisi ise öz devletine qarşı arbiy ameliyatlarğa celp etilmesidir", - dedi o.
O qayd etti ki, "QırımSOS" teşkilâtına sıq-sıq işğal etilgen topraqlarda bellisiz ğayıp olğan şahıslarnıñ soy-soplarından talaplar kele.
"Bellisiz ğayıp olğanlarnıñ çoqusı göñülliler ya da ölüm telükesi altında bile rusiye pasportını almaqtan red etken sabıq arbiylerdir", - dep qoştı Yaroşenko.
Mayısnıñ 25-nde Rusiye prizedenti Vladimir Putin Ukrayinanıñ Zaporijjâ ve Herson vilâyetleriniñ sakinleri içün Rusiye vatandaşlığınıñ sadeleştirilgen nimamda alınması aqqında ferman imzaladı.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
