Noyabrniñ 17-nden başlap arbiy vaziyet vaqtında Ukrayinanıñ muvaqqat işğal etilgen topraqlarında aynılama protsedurası artıq uzaqtan keçirile bile. Bunı "QırımSOS" uquq qoruyıcı teşkilâtınıñ adliyecisi Anastasiya Kalınina haber etti.
"Endiden arbiy vaziyet vaqtında aynılama protsedurası şaatlardan birinen - aile azaları, yaqınla ile vide bağ formatından ola bile. Protsedura vaqtında vesiqalar kösterile, şaatnıñ vesiqalarınıñ kopiyaları Devlet köç hızmetiniñ elektron adresine yollanıla. Bu protsedura ilk defa pasport alğanlarğa yardım etecek", - dedi o.
18 yaşına yetken şahsqa pasport ve çetellik pasportınıñ berilmesi içün kerek olğan fotoresimlernen vesiqalarnıñ ya da sicil ya da bazalarda malümatnıñ olmağan taqdirde şahısnıñ aynılaması arizacı tarafından teklif etilgen şaatlardan sorav yolu ile ömürge keçirilecek.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
