Aqmescitteki mekteplerde Rusiyeniñ Ukrayinağa qarşı cenkini desteklemek içün ocalardan para toplaylar. Bunı "QırımSOS" uquq qoruyıcı teşkilâtınıñ talilcisi Yevgen Yaroşenko bildirdi.
Onıñ malüatına köre, ocalar para bermekten red etseler, olarğa "ola bilecek problemalarğa" işaret eteler. "Göñülli" ücretlerniñ meblâğı bir iş künü içün emek aqqı ya da 1000 rubleden başlay.
"QırımSOS" teşkilâtınıñ malümatına köre, evel Qırımdaki mekteplerde ana-babalarnı bomba sığınaqlarnı donatmaq içün para toplamağa çağırğanlar.
Qırım ve Rusiye içtimaiyetinde aman-aman er kün Ukrayinanıñ qıtasında cenk içün seferber etilgenlerge yardım toplamaq zarururiyeti ile bağlı mesajlar çıqa.
Qırımnıñ işğal yolbaşçısı Sergey Aksönov iş adamları "qısmiy seferberlik çerçivesinde çağırılğan Qırım sakinlerini ilâve olaraq kerekli techizat ve urbalarnen temin etkenlerini" bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
