"QırımSOS" uquq qoruyıcı teşkilâtı Jurnalistlerge qarşı citnayetler içün cezasızlığını toqtatma Halqara kününde 2014 senesinden başlap taqip etilgen ya da taqip jtilmege devam etken Qırımdan jurnalistlerniñ cedvelini yayınladı. Cedveldeki 19 jurnalistten 16-sı alâ daa apis yerlerindedir.
Taqip etilgen jurnalistler cedvelinde yer alğan jurnalistlerniñ çoqu Qırım.Aqiqat ile çalışa edi. Mıkola Semena ve Nariman Celâl ise leyhanıñ müellifleridir. Cedvelde birinci Qırım.Aqiqatnıñ frilanseri Vladislav Yesipenkodır. Diqqatıñızğa bütün cedvel:
- Vladislav Yesipenko – 5 yıl apis cezası
- Nariman Celâl – 15 yıl apis cezası
- Asan Ahtemov – 15 yıl apis cezası
- Aleksey Bessarabov – 14 yıl apis cezası
- Sergey Tsigipa – 13 yıl apis cezası
- Marlen Asanov – 19 yıl apis cezası
- Timur İbragimov – 17 yıl apis cezası
- Seyran Saliyev – 15 yıl apis cezası
- Server Mustafayev – 14 yıl apis cezası
- Remzi Bekirov – 19 yıl apis cezası
- Ruslan Suleymanov – 14 yıl apis cezası
- Osman Arifmemetov – 14 yıl apis cezası
- Rustem Şeyhaliyev – 14 yıl apis cezası
- Amet Suleymanov – 12 yıl apis cezası, sahatlığı bar
- İrına Danılovıç – 6 yıl ve 11 ay apis cezası
- Vilen Temeryanov – mapis cezasına mahküm etile bile
- Nariman Memedeminov – 2,5 yıl apis cezasını çekti
- Mıkola Semena – şartlı olaraq azatlıqtan marum etilgen
- Ayder Kadırov – cöreme
Rusiye tarafından taqip etilgenler yalıñız işğal etilgen Qırımdaki jurnalistler degil. "QırımSOS" yolbaşçısı Oleksiy Tılnenkonıñ sözlerine köre, fikir liderleri - faller, jurnalistler, göñülliler ve ilâhre - Herson vilâyetiniñ vaqtınca işğal altındaki bölgelerinde rusiyeliler tarafından eñ çoq esip etilgen adiy insanlar kategoriyasından biridir.
Oktâbrniñ 5-nde Kıyivde «Rusiye mahküm etken Vladislav Yesipenko ve diger qırımlı jurnalistler nasıl qurtarılacaq» matbuat konferentsiyası olıp keçti. Onıñ iştirakçileri şimdiki vaziyet aqqında tarif etti, anda media temsilcileri bar – Qırım.Aqiqatnıñ serbest hadimi Vladislav Yesipenko da olğan Kreml reineleri, siyasiy mabüslerniñ taqip etilüvinen bağlı Rusiye vekilleri aqqında tarif etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
