Qırım yarımadasınıñ şimalinde ava mudafaası sisteması işlegen. Bunı işğal memuriyetniñ reis müivini Oleg Krüçkov haber etti.
"Qırımnıñ şimalinde ava mudafaası sisteması işledi. Qurbanlar ve dağıluvlar yoq", - dep haber etti o.
Aynı zamanda yerli telegram kanalları Canköy civarında patlav sesleri aqqında haber eteler ve qaza yerinde resimler yayınlaylar.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
