Qırımnıñ Rusiye reberligi yarımadanıñ şimaline kene pilotsız uçaqlar ile ücüm etilgenini bildirdi. Sergey Aksönovnıñ sözlerine köre, REB Rusiye bölükleri bir pilotsız uçaqnı oturtqanlar
"Gece REB bölükleri Qırımnıñ şimalinde duşmannıñ pilotsız uçağını oturttılar. Zarar körgenler ve dağıluvlar yoq", - dep yazdı o telegram kanalında.
Pilotsız uçaq kimniñ olğanını Aksönov bildirmedi.
Cenk şaraitinde bu malümatnı mustaqil menbalardan teşkermege imkânsızdır.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
