Rusiyeniñ nezaretinde olğan Qırım Parlamenti yedi meşur ukrayinni, şu cümleden ukrayinalı boksçu Oleksandr Usik, yırcı Zlata Ogneviç, birinci ve ekinci Ukrayina prezidentleri Leonidr Kravçuk ve Leonid Kuçmanı Qırım MC mukâfatlarından "marum etti", dep haber ete müessiseniñ matbuat hızmeti.
Bundan ğayrı mukâfatlardan Ukaryina Milliy gvardiyasınıñ sabıq komandanı Mıkola Balan, Ukrayina SQ sabıq komandanı İgor Voronçenko, Qırım MC Nazirler Şurasınıñ sabıq reisi Sergiy Künitsin marum etildi.
Qırım Parlamentiniñ Rusiye yolbaşçısı Vladimir Konstantinov añlatqanı kibi, ukrayinler "Rusiye Federatsiyası ya da Qırımnı itibardan tüşürgenleri" içün mukâfat ve fahriy unvanlarınldan marum etilgenler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2ud65mnh9spru.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
