Qırımnıñ Rusiye akimiyeti oktâbrniñ 27-nde Qırımdaki internet provayderlerge "büyük bir tış kibernetik ücüm" yapılğanını bildirdi.
Şu cümleden Qırımnıñ Rusiye yolbaşçısınıñ mesleatçısı Oleg Krüçkov "bir sıra servis yaramay çalışa bile" dep bildirdi.
"Qırımdaki internet provayderlerge büyük bir tış kibernetik ücümni qayd ettik. Bir sıra servis yaramay çalışa bile. Ücümni toqtatmağa tırışamız", - dep bildirdi o.
Qırımdaki mobil operatorı ve internent provayderi "Mirinda media" bu ücüm emsalsizdir dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
