Qırımnıñ işğal yolbaşçısı Sergey Aksönov noyabrniñ 26-nda Qırımda yüz bergen furtudan zarar körgenlegre ödenecek tazminat miqdarını seslendirdi.
"Mülkniñ tam ğaybı vaziyetinde bir adam içün maddiy yardım 100 bi ruble, qısmiy ğayıp vaziyetinde 50 biñ ruble. Yaşayış şaraiti bozulğan şahslarğa bir kerelik 10 biñ ruble ödeme yapılacaq", - dep bildirdi o.
Aksönov, tazminat ödemeleriniñ vaqtı ve nasıl ödenecegini bildirmedi.
Evel o, Qırımda beş kişi furtunanıñ qurbanı oldı, dep bildirgen edi.
Qırımda noyabrniñ 26-nda küçlü furtuna başladı. Çeşit regionlarda yüzlernen terek tüşti, onlarnen ev zarar kördi.
Qırımnıñ Rusiye parlamentiniñ yolbaşçısı Vladimir Konstantinov furtuna 1,3 milliard rublelik zarar ketirdi, dep bildirdi. Bir künden soñ Qırımnıñ Rusiye Fevqulâde vaziyetler hızmetiniñ yolbaşçısı Sergey Sadakliyev başqa miqdar aqqında ayttı – 40 milliard.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
