Qırımnıñ Qurman rayonındaki Rovnov mektebiniñ divarında Ukrayinağa qarşı cenkte elâk olğan Rusiye arbiyne bağışlanğan hatıra tahtası açıldı. Bu aqta Rusiye kontrolindeki Qurma rayonınıñ memuriyet yolbaşçısı Vasiliy Grabovan bildirdi.
Beyanatqa binaen, hatıra tahtası Rusiye arbiyi Ruslan Sattarovğa açıldı. O, ne yerde, ne vaqıt ve nasıl şaraitte elâk oldı - belli degil.
Qırım ve Aqyarda Rusiyeniñ Ukrayinağa istilâsı vaqtında elâk olğan Rusiye arbiylerini defin etmege devam eteler. Aqyarnıñ Rusiye yolbaşçısı Mihail Razvojayevniñ telegram kanalındaki malümatqa köre, 2022 senesi fevralniñ 24-nden itibaren Aqyarda eñ azdan 100 Rusiye arbiyi defin etildi. Qırımda elâk olğan Rusiye arbiyleriniñ tam sayısı bildirilmey. Bazı Rusiye arbiylerine hatıra tahtası açıldı.
Qırım.Aqiqat jurnalistleri Qırım ve Aqyarda elâk olğan 672 Rusiye arbiyiniñ şahsiyetini ögrendi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
