Qırımnıñ Rusiye akimiyeti Nikaragua ile ticariy-iqtisadiy işbirligi aqqında areketler planı imzalanğanını bildirdi. Vesiqa Nikaragua paytahtı Managuada imzalandı. Halqara uquq mütehassısı Boris Babinniñ fikirince, böyle işbirlik Nikaraguağa nisbeten demokratik memleketlerniñ sanktsiyalar rejimini quvetleştirmege yardım etecek.
Babinniñ aytqanına köre, Rusiye Managuadaki sol populist rejimine tesir etip, işğal etilgen Qırım boyunca Nikaragua vektorını çoqtan qullanıp başladı.
''Oleg Belaventsovnıñ şerefli konsulı ve Nikaraguanıñ Moskvadaki elçisi Alba Asusena Torresniñ Qırımğa qanunsız ziyaretleri, em de Nikaraguanıñ Tış işler nazirligine yalıñız nominal olaraq boysunğan tek Rusiye degil, sovet "tam bir vatandaşı" olğan Belaventsovğa ait edi. Nikaragua akimiyetiniñ işğal etilgen Qırım ile bütün "planları" ve "añlaşmaları" yalıñız uquqiy ceetten yaramay dep sayılmamalı, aynı zamanda Nikaragua rejimi Moskvanen doğrudan-doğru subsidiyalanğan, Rusiye Federatsiyası ve onıñ Merkeziy-Amerika uydusı arasında ise ticaret ya da resmiy maliye aqımları sıfırğa yaqınlaşqan tragikomiya vaziyetini köz ögüne almaq kerek'', - dep ayta ekspert.
Onıñ aytqanına köre, Managuanıñ esas tış iqtisadiy ortağı ABD-dir, Nikaraguanıñ maşina qurucılığı ve yengil sanayı mahsulatı ise Amerika "Stainless Ride", Almaniya "Dräxlmaier Group" ve Yaponiya "Yazaki" vastasınen dünyanı körmekte.
''Rusiye ve Qırım raflarında olğan yekâne Nikaragua malı qave ola, lâkin böyle "mal dönümi" ne milliardlarnen, ne de millionlarnen dollarnen ölçemeymiz. Managuanıñ Qırımğa nisbeten destruktiv mevamını köz ögüne alsaq, demokratik memleketler tarafından sanktsiyalar rejiminiñ quvetleşmesini beklemek kerek'', - dep añlattı Babin.
Qırım Yaltası ve Nikaragua Cumhuriyetiniñ Granada şeeri Qırım eyyetiniñ Latin Amerikasına ziyareti vaqtında qardaşlıq munasebetleri aqqında añlaşmanı imzaladılar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
