Qırımnıñ meskün yerleriniñ adları işğalden azat etilmegence deñiştirmege planlaştırmaylar, dep bildirdi Ukrayina halq deputatı Maksim Savrasov "Qırım meselesi" programmasında.
"Qırım meselesine kelgende, mesele işğalden azat etilgen soñ baqılacaq, işğalden azat etilgen soñ yerli saylavlarda saylanılacaq akimiyet ile işbirlik yapacaqmız, yerli sakinlernen qonuşacaqmız, olarnen beraber mesken yerler, Qırım boyunca qararlar alacaqmız", - dep qayd etti o.
Onıñ aytqanına köre, Komitet şimdi de-kolonizatsiya ile bağlı meselelerni baqmaqta, yani inqilâptan soñ, inqilâptan evel ve inqilâptan soñra olğan toponimlerden qurtulmaqta.
O şunı da añlattı ki, şimdi Qırımnıñ adlarını deñiştirmek kerek olğan ve er biri boyunca ayrı qarar almaq kerek olğan çoq sayıda meskün yerlerniñ adlarını deñiştirmek içün rey bermek içün kerekli deputat sayısını toplamaq pek qıyın.
Yarımadanıñ bir qaç meskün yeriniñ adlarını deñiştirmek qararına keder etken daa bir sıñırlav, memlekette arbiy vaziyet bar olğan vaqıtta Qırımnıñ Aqyar ve Aqmescit adları yazılğan Ukrayina Anayasasına deñişmeler kirsetilmesidir.
Bundan evel Qırımtatar Milliy Meclisiniñ reisi Refat Çubarov işğal etilgen Sevastopolğa Aqyar adını qaytarmaqnı teklif etti .
Ukrayina prezidentiniñ Qırım Muhtar Cumhuriyetiniñ matbuat hızmetinde bildirgenine köre, ükümet Qırımnıñ toponimik adlarını deñiştirmege imkân berecek qarar üzerinde çalışa.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
