Qırımnıñ işğali vaqtında siyasiy basqılar ve Rusiye akimiyetiniñ siyaseti neticesinde yarımadada 60 insan elâk oldı, olardan 28-i - qırımtatardır. Bu malümatnı Qırımtatar resurs merkezi bildire .
Teşkilâtnıñ malümatına köre, elâk olğanlar böyle kategoriyalarğa bölüne:
- Siyasiy repressiyalarnıñ qurbanları (4, 3 – qırımtatar);
- Diskriminatsiya qurbanları (13, 11 – qırımtatar);
- Terror qurbanları (30, 8 – qırımtatar);
- Polis zulumınıñ qurbanları (13, 6 – qırımtatar).
"Ne yazıq ki, Kremlniñ kontroli altında olğan Qırım akimiyeti, BMT Baş Assambleyasınıñ A/RES/71/205 Qararına binaen Rusiye işğalci devlet olaraq tanılğanına ve bu topraqta insan aqlarına riayet etüv mesüliyeti oña yüklengenine baqmadan, bu adiselerni tahqiq etkeni kibi yapa", - dep qayd eteler QRM-nde.
Bundan evel QRM-niñ bildirgenine köre, Qırımnıñ ilhaqı vaqtında bellisiz ğayıp olğan 24 insan bar, olardan 18-i - tamır qırımtatar halqınıñ vekilleri.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
