Qırımnıñ işğalden azat etilmesi içün yañartılğan strategiya yazda qabul etilecek, dep bildirdi Qırım.Aqiqatqa Ukrayina Prezidentiniñ Qırım MC daimiy temsilcisi Tamila Taşeva.
"Ukrayina Milliy Telükesizlik ve mudafaa şurası diger devlet organlarına muracaat etip, mevcut variantqa deñişmeler kirsetilmesi ile bağlı teklifler azırlamalarını istedi. Büyük cenk sebebinden bazı deñişmeler olacağı qararlaştırıla. Doğru añlağan olsamız, olar iyün ya da iyülde Milliy telükesizlik şurasınıñ oturışını keçirip, yañı işğalden azat etüv ve reintegratsiya strategiyasını qabul etecek olalar", - dedi Taşeva.
Yañı variantta Qırımnıñ işğalden azat etilmesi 2021 senesi tüşülgeninden daa tez olacağı tahmin etile, dep qayd etti o.
Evel Milliy telükesizlik şurasınıñ kâtibi Oleksiy Danılov "Qırımnıñ işğalden azat etilmesi içün 12 adım" adlı yazını yayınlağan edi. Teklifler arasında "rus şerefi şeeri"niñ " "Obyekt № 6" olaraq yañıdan adlandırılması da bar.
Bundan ğayrı Danılov Qırımda "Rusiye arbiy gemisi siktir ket" abidesini tiklemege, 2014 senesinden soñ Qırımğa kelgen RF vatandaşlarını andan sürgün etmege ve Qırım köprüni sökmege teklif ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
