İşğal altındaki Qırımda RF ordusını "itibarsızlaştıruv" maddesi ile 560 dava açıldı, dep haber etti Ukrayina prezidentiniñ Qırım MC daimiy temsilcisi Tamila Taşeva.
"Rusiye ordusını "itibarsızlaştıruv" içün 559 dava açılğan. Olardan 490 davada cöreme şeklinde idariy ceza tayin etilmesine qarar çıqarılğan", - dep qayd etti memur.
Onıñ sözlerine köre, yarımadanıñ territriyasında büyük cenk başlanğan soñ peyda olğan bir qaç tirenüv areketi faaliyet köstere. Olarnıñ arasında "ATEŞ" ve "Jovta striçka". Taşevanıñ sözlerine köre, olar farqlı teimsallerni, varaqalarnı darqata, RF ordusınıñ arbiy tehnikasınıñ avuşuvını közete ekenler.
Bundan ğayrı, bazı vatandaşlar Ukrayina timasalleri ile tatu, mavı ve sarı tüslü manikür yapalar, Ukrayina bayraqlarını asalar ve ukrayin türkülerini yırlaylar. Bunıñ içün Rusiye akimiyeti olarnı idariy ya da cezaiy mesüliyetke çeke.
«Rusiye ordusını itibardan tüşürüv» maddesi Rusiye qanunlarında 2022 senesi martnıñ 4-nde peyda oldı, Rusiyeniñ Ukrayinağa qarşı büyük istilâsını başlatqan ilk künleri edi. Qırımda Rusiye ordusını itibardan tüşürüv sebebinden taqipler bitmey. Qırımdaki Rusiye akimiyeti insanlar bir-birini çaqsın dep areket ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
