Ukraina prezidenti Volodımır Zelenskıy Ukrainanıñ tışqı siyaset strategiyasınıñ tasdıqlanuvı aqqında ferman imzaladı. Bu fermanda er şey arasında daa Rusiye tecavuzına qarşı turuv ve Qırım ve Aqyar şeerini ilhaq etme ıntıluvını tanımama aqqında madde bar.
Ukraina prezidenti Ofisiniñ haber etkeni kibi, bu fermannı imzalap, Zelenskıy Ukraina Milliy telükesizlik ve mudafaa şurasınıñ iyülniñ 30-nda qabul etken «Ukrainanıñ tışqı siyaset strategiyasınıñ faaliyeti aqqında» qararını işke tüşürgen.
«Strategiya 254 maddeden ibarettir. Olar tafsilâtlıca Ukrainıñ tışqı siyasetiniñ yönelişlerini, parametrlerini ve prioritetlerini belgileyler. Tışqı siyaset faaliyetiniñ prioritetleri bulardır: Ukraina topraq bütünligi ve suverenitetini temin etüv; RF-nıñ tecavuziy sisetine qarşı turuv; AB ve NATO azası olması ile bağlı kurs; çeteldeki Ukraina vatandaşlarınıñ aqlarını qorumaq içün kurs; Ukraina ihracatını inkişaf ettirüv ve çetel yatırımlarnı cel etüv; Ukrainanıñ tehnologik ve ekologik deñişüvi; dünyada memleketemizniñ müsbet imicini ileriletüv», – dep yazıla bildirmede.
Prezident ofisinde, strategiyanıñ ömürge keçirilmesi Ukrainanıñ faal çetel siyaset yürsetmesine imkân berecegini bekleyler.
Eki ay devamında Nazirler kabineti orta müddetli strategiyanıñ ömürge keçirilmesi içün faaliyet planını tasdıqlamaq kerek.
